اجلس على مركاي لاحد الاصباح...جالس وطيفك ممتحني في حالي

السلام عليكم
اقدم لكم هذه الابيات
اتمنى ان تنال اعجابكم



ياصاحبي من صدكم خافقي صاح
.............. وان جيت ابسلا عنك ماني بسالي

ﻻضقت قلت الصبر لضيق مفتاح
..............وطول الصبر ياصاحبي هد حالي

صبرت لجلك لين صدر السعه فاح
.............ماكنه الا فــــــوح صفــــــر الدلالي

ليلة فرح وتحولت هم واتراح
..............من جرح حاس القلب يابن الحلالي

اشوف انا عينك بها دمع تمساح
................كلـــه مــــن اسباب الدلع والدلالي

طاح الحمل من فوق ظهر الجمل طاح
..................وانا مـــن الــــي يحتمون التوالي

اجلس على مركاي ﻻحد الاصباح
.................جالس وطيفك ممتحنـــي في حالي

تطري علي فضيق وفحزت افراح
................منساك كيـــف انساك وانتـــه فبالي

عطني تعبك ان كنت تعبان وارتاح
...............صاحبك شيـــــال الحمـــــول الثقالي

ان كان راس المال ماجاب الارباح
...............ماودي اخســــر شي من راس مالي

وسلاااااااامتكم

بارك الله فيكـــ وننتظر المزيد